ЯҢАЛЫКЛАР
16-17 август көннәрендә Чаллы шәһәрендә яшь армиячеләрнең беренче слеты үтте. Анда Зәй шәһәренең 6 мәктәбеннән Ильдар Маркелов катнашты. Чарада республика җитәкчелеге дә катнашты.
18 август көнне музей янында ачык һавада күргәзмә оештырылды. Күргәзмәдә Татарстан халкының үткәне, хәзергесе турында, аның мәдәнияты һәм көн-күреше турында белешмә материаллар, музейның борынгыдан калган экспонатлары белән дә танышырга була иде.
24 августта Зәйдә шәһәр прокуратурасы бинасында Татарстан Республикасы буенча баш федераль инспектор Ренат Тимерҗанов гражданнарны һәм юридик затларны кабул итә. Кабул итү республика прокуратурасы һәм тикшерү комитеты вәкилләре катнашында уза.
Бүген районда традицион "Ялчыгол укулары" үтте. Күренекле дин эшлеклесе, табиб, язучы һәм мәгърифәтче Таҗетдин Ялчыгол иҗатына багышланган республикакүләм чара ул җирләнгән Имәнлебаш авылында оештырылды.
Зәй районда бүген бөртеклеләрне җыю төгәлләнде, шикәр чөгендер алу дәвам итә. Бу эш белән барлык агрофирмалар да мәшгуль, тиз көннәрдә аларга “Нива” җаваплылыгы чикләнгән ширкәте дә кушылачак. 18 августка район буенча татлы тамыр 640 гектарда җыеп алынган.
Иске Зәйдә район башлыгы Разиф Кәримов белән очрашу бик тә конструктив рәвештә үткәрелде, чөнки ул тарихи бистәнең киләчәге турында иде.