48 нче Казан яшүсмерләр чаңгы марафоны узды

2023 елның 20 марты, дүшәмбе

19 мартта Казан шәһәрендә «Локомотив» стадионының Юдино бистәсе чаңгы трассасында 48 нче Казан яшүсмерләр чаңгы марафоны узды.

Ярышлар дүрт дистанциядә үткәрелде. 2011 елда туган яшь чаңгычылар  5 км трассаны  үтте, ә аларның өлкән иптәшләре 10, 20 һәм 30 км дистанцияләрдә  көч сынашты.

Ярышларда Олимпия чемпионы Ф. П. Симашев исемендәге мәктәптә тәрбияләнүчеләр катнашты.  2005-2006 елларда туган  яшүсмерләр арасында 30 км дистанциядә Вадим Бирюков 1 урынны яулады. 2007-2008 елгы егетләр арасында 20 км дистанциядә Нехаев Данил 3 урынны алды.  2007-2008 елгы кызлар арасында 10 км дистанциядә Козенкова Софья 3 нче урынга лаек булды.