Ялгыз яшәүче өлкән яшьтәге гражданнарга депутат ярдәме

Алтынчы чакырылыш Татарстан Республикасы Дәүләт Советы депутаты Николай Валерьевич Нефедов “Шатлык” халыкка социаль хезмәт күрсәтү комплекслы үзәгенең социаль хезмәтләрдән файдаланучы ялгыз яшәүче өлкән яшьтәге гражданнарын “Новый Зай”, “Зәй офыклары”, “Моя газета” газеталарына яздырды. Николай Валерьевич даими рәвештә “Шатлык” халыкка социаль хезмәт күрсәтү үзәгенә ярдәм итә. Газетаны өлкәннәргә социаль хезмәткәрләр китереп торачак. Нәкъ менә алар сәламәтлекләре буенча үз-үзләренә хезмәт күрсәтү сәләтен югалткан ялгыз өлкән яшьтәге гражданнарны дөнья белән тоташтыручы үзенчәлекле “күпер” булып торалар. Әлеге игелекле ярдәм нәтиҗәсендә өлкәннәр район һәм республика яңалыклары гына түгел, Россиянең башка төбәкләрендәге вәзгыятъ белән дә танышып торачаклар. Социаль хезмәткәрләр билгеләп үткәнчә, аларның карамагындагылар мондый кайгыртуга бик шат һәм депутатка зур рәхмәт белдерәләр.