«Өлкән яшьтәге авыру кешеләргә һәм инвалидларга ярдәм күрсәтүчеләр мәктәбе»

Зәй муниципаль районындагы "Шатлык" халыкка комплекслы социаль хезмәт күрсәтү үзәге" өйдә социаль ярдәм күрсәтү бүлеге базасында ачылган "Өлкән яшьтәге авыру кешеләргә һәм инвалидларга ярдәм күрсәтүчеләр мәктәбе"ндә, 14 ноябрь көнне инсульт кичергән гражданнарга ярдәм күрсәтү буенча дәресләр узды. Дәрес социаль хезмәткәрләр һәм авыру кичергән гражданнарны караучылар өчен үткәрелде. Район үзәк хастаханәсенең гомуми практика табибы Вәлиуллина Р. Г. инсультның сәбәпләре, билгеләре, авыру уздырганнан соң иртә стадиядә ничек тернәкләнергә мөмкин булуы турында сөйләде. Шулай ук, Резидә Гайсовна авыруны булдырмауның төп кагыйдәләре белән дә таныштырды. «Шатлык» халыкка социаль хезмәт күрсәтү үзәге психологы Верхотурцева Ю. М. катнашучыларны инсульт кичергән ятып торучы авыруларның депрессия белән көрәшү алымнары белән таныштырды. Лекция күрсәтмә материаллар кулланып әзерләнгән иде, бу чарада катнашучыларда зур кызыксыну уятты. Кирәк булган очракта, алынган белемнәр авыру кичергән гражданнарны комплекслы реабилитацияләү өчен кулланылачак.